ԱՄՆ պետքարտուղարություն
Մամուլի խոսնակի գրասենյակ
2 մայիսի 2002թ․

Այսօր Միացյալ Նահանգները և Հայաստանը ստորագրեցին քաղաքացիական միջուկային բնագավառում ռազմավարական համագործակցության վերաբերյալ փոխըմբռնման հուշագիր, որը հնարավորություն կտա խորացնել ռազմավարական համագործակցությունը՝ հիմնվելով ԱՄՆ-Հայաստան ռազմավարական երկխոսության ձեռքբերումների վրա։ Փոխըմբռնման այս հուշագիրը բարելավում է մեր համագործակցությունը էներգետիկ անվտանգության ոլորտում և ամրապնդում է մեր դիվանագիտական ​​և տնտեսական հարաբերությունները:

Պետքարտուղար Էնթոնի Բլինքենը ստորագրեց ԱՄՆ-ի, իսկ  արտաքին գործերի նախարար Արարատ Միրզոյանը Հայաստանի անունից։

Միացյալ Նահանգների և Հայաստանի միջև առկա է երկարամյա համագործակցություն երկկողմ հարաբերությունների ողջ տիրույթում, ներառյալ՝ անվտանգության, էներգետիկայի, առևտրի և զանգվածային բնաջնջման զենքի չտարածման ոլորտներում։ Քաղաքացիական միջուկային էներգիայի, գիտության և տեխնոլոգիաների ոլորտներում մեր համագործակցության խորացումը կամրապնդի մեր ռազմավարական երկկողմ հարաբերությունները և կունենա դրական ազդեցություն մեր համատեղ աշխատանքի վրա:

Միջուկային համագործակցության փոխըմբռնման հուշագրերը դիվանագիտական ​​մեխանիզմներ են, որոնք ամրապնդում և ընդլայնում են ռազմավարական կապերը Միացյալ Նահանգների և գործընկեր երկրի միջև՝ ապահովելով համագործակցության շրջանակ և փոխհամաձայնեցված մոտեցում քաղաքացիական միջուկային հարցերում զենքի չտարածման և կառավարության, արդյունաբերության, ազգային լաբորատորիաների և ակադեմիական հաստատությունների փորձագետների ներգրավման համար։

Հեղինակ U.S. Mission Armenia | 3 Մայիսի, 2022 | Կատեգորիաներ: Լուրեր, Մամլո հաղորդագրություններ