Հանցանքներից տուժածներ

ԱՄՆ պետքարտուղարությունը պատրաստ է աջակցել ԱՄՆ քաղաքացիներին, ովքեր արտերկրում գտնվելու ընթացքում հայտնվում են հանցագործություններից տուժածի կարգավիճակում: Մեր օգնությունը երկու ուղով է ընթանում.

  • Արտերկրում – հյուպատոսական պաշտոնյաները, գործակալները և անձնակազմը աշխատում են հանցագործություններից տուժածների հետ և օգնում նրանց տեղի ոստիկանության ու բժշկական հաստատությունների հետ կապված հարցերում.
  • ԱՄՆ-ում – Մեր Արտակարգ իրավիճակներում քաղաքացիների աջակցության կենտրոնը կապ է պահպանում ԱՄՆ-ում գտնվող ընտանիքի անդամների հետ և օգնում տուժողի համար ապահովել ԱՄՆ-ում առկա միջոցներ, եթե հնարավոր է:

Եթե դուք օտար երկրում կատարված հանցանքից տուժել եք, ապա.

  • Կապ հաստատեք մոտակա ԱՄՆ դեսպանատան կամ հյուպատոսարանի հետ.
    • Հյուպատոսական պաշտոնյաները արտակարգ ու անհետաձգելի իրավիճակների հետ կապված հարցերով հասանելի են շաբաթվա բոլոր օրերին և շուրջօրյա.
    • Այստեղ կան տեղեկություններ արտերկրի ԱՄՆ դեսպանատաների ու հյուպատոսարանների վերաբերյալ, տվյալներ կարող գտնել նաև Առանձին երկրի մասին տեղեկություններում.
    • ԱՄՆ պետքարտուղարության հետ կապ հաստատելու համար զանգեք 1-888-407-4747 (ԱՄՆ-ից և Կանադայից) կամ(202) 501-4444 (արտերկրից) հեռախոսահամարներով.
    • Կապ հաստատեք տեղական ոստիկանության հետ, հայտնեք միջադեպի մասին և ստացեք անմիջական օգնություն: Խնդրեք ոստիկանությանը տրամադրել հայտարարություն ներկայացնելու հաշվետվության պատճենը:

Հյուպատոսական աջակցություն հանցագործություններից տուժած ԱՄՆ քաղաքացիներին

Երբ ԱՄՆ քաղաքացին դառնում է արտերկրում կատարված հանցանքի տուժող, նա կարող է կրել ֆիզիկական, զգայական և ֆինանսական վնասներ: Նրա համար ամեն ինչ կարող է ավելի դժվար լինել, քանի որ գտնվում է անծանոթ միջավայրում, կարող է չտիրապետել լեզվին կամ ծանոթ չլինել սովորույթներին: Հյուպատոսական պաշտոնյաները, հյուպատոսական գործակալները և նրանց տեղացի աշխատակիցները ծանոթ են տեղի կառավարման մարմիններին ու առկա ռեսուրսներին:

 Մենք կարող ենք օգնել հետևյալ հարցերում.

  • Փոխարինել գողացված անձնագիրը,
  • Կապ հաստատել ընտանիքի, ընկերների ու գործատուների հետ,
  • Ապահովել համապատասխան բուժօգնություն,
  • Կարգավորել անհետաձգելի խնդիրները, որ ի հայտ են գալիս հանցանքի հետևանքով,
  • Պարզաբանումներ ներկայացնել տեղի քրեական արդարադատության համակարգի մասին,
  • Ստանալ տեղեկություններ ձեր գործի վերաբերյալ,
  • Կապ ապահովել տուժողներին օգնելու համար առկա ռեսուրսներ ունեցող կառույցների հետ տեղում և ԱՄՆ-ում,
  • Ստանալ տեղեկություններ տուժողների փոխհատուցման տեղի ու ԱՄՆ-ի ծրագրերի մասին,
  • Տրամադրել անգլերենին տիրապետող տեղացի փաստաբանների տվյալներ:

Մենք չենք կարող.

  • Հանցանքի քննություն իրականացնել,
  • Իրավական խորհրդատվություն ապահովել կամ ներկայացնել ձեզ դատարանում,
  • Հանդես գալ որպես պաշտոնական թարգմանիչ,
  • Վճարել ձեր իրավական, բժշկական ու այլ ծախսերը:

Ռեսուրսներ և տեղեկություններ հանցագործություններից տուժածների համար ԱՄՆ վերադառնալուց հետո

ԱՄՆ որոշ քաղաքներ ու համայնքներ ունեն ծրագրեր, օգնելու այն բնակիչներին, ովքեր տուժել են հանցավորությունից արտերկրում, մասնավորապես՝

  • Բռնաբարության ճգնաժամի հաղթահարման ծրագրեր,
  • Կացարան ու խորհրդատվություն ծեծված կանանց համար,
  • Բարոյական աջակցության խմբեր, որոնք օգնում են սպանվածների ընտանիքի անդամներին ու ընկերներին հաղթահարել կորստյան վիշտը,
  • Ախտորոշման ու բուժման ծրագրեր բռնությունների ենթարկված երեխաների համար,
  • Աջակցություն հարբած մեքենա վարելու հետևանքով տեղի ունեցած վթարներից տուժածներին:

ԱՄՆ բոլոր նահանգներում կա տուժողների փոխհատուցման ծրագիր, սակայն միայն մի քանի նահանգում են ապահովում դրամային միջոցների հատկացում այն բնակիչներին, ովքեր տուժել են բռնությամբ ուղեկված հանցանքներից արտերկրում: Փոխհատուցման ծրագրերի մեծ մասի դեպքում պահանջվում է, որ տուժողը դեպքի ժամանակ ներկայացրած լինի հաղորդում և դրա պատճենը ներկայացնի իր հայտին կից: Ծրագրերի շրջանակում ապահովվում է ֆինանսական աջակցություն, որն ուղղվում է հետևյալ նպատակներին.

  • Բժշկական ծախսեր և խորհրդատվություն,
  • Թաղման կամ հուղարկավորության ծախսեր,
  • Կորսված եկամտի կամ աջակցության փոխհատուցում,
  • Աճյունը հայրենի երկիր վերադարձնելու հետ կապված ծախսեր:

Ամեն մի նահանգի փոխհատուցման ծրագրերի և դրանցից օգտվելու համար հայտ ներկայացնելու վերաբերյալ տեղեկություններ կարող եք գտնել Հանցագործություններից տուժածների փոխհատուցման խորհուրդների ազգային ասոցիացիայի կայքում:

Տեղեկություններ տուժողների աջակցության ծրագրերի մասին

ՈՒՇԱԴՐՈՒԹՅՈՒՆ. ԱՄՆ պետքարտուղարությունը որևէ պատասխանատվություն չի կրում ստորև թվարկվող կազմակերպությունների մասնագիտական կարողությունների կամ բարեխղճության վերաբերյալ: Այստեղ նրանց վերաբերյալ տեղեկությունների ներկայացումը չի նշանակում, որ ԱՄՆ պետքարտուղարությունը երաշխավորում է նրանց կամ ուղղորդում դեպի այս կառույցներ:

Սեռական բռնություններ 

  • RAINN (Rape, Abuse and Incest National Network) (Բռնաբարության, բռնությունների ու արյունապղծության դեմ պայքարի ազգային ցանց) – ունեն շաբաթվա բոլոր օրերին շուրջօրյա աշխատող թեժ գիծ 1-800-656-HOPE (4673), որի միջոցով ապահովվում է սեռական բռնությունների հետ կապված խորհրդատվություն ու ուղղորդում: RAINN-ը նաև ունի թեժ գիծ, որը կայքի միջոցով ուղիղ ռեժիմում անանունության պայմանով ճգնաժամային օգնություն է ապահովում սեռական բռնություններից տուժածների, նրանց ընտանիքի անդամների և ընկերների համար: Առցանց գործող թեժ գիծն անվճար է և հասանելի է շուրջօրյա և շաբաթվա բոլոր օրերին:
  • U.S. Department of Justice Office on Violence Against Women (ԱՄՆ արդարադատության դեպարտամենտի Կանանց դեմ բռնությունների հարցերով գրասենյակ) –Տեղեկություններ է ապահովում սեռական բռնությունների դեպքում աջակցություն ապահովող տեղական կազմակերպությունների դաշինքների վերաբերյալ:
  • International Directory of Domestic Violence Agencies (Ընտանեկան բռնության դեմ պայքարի հարցերով զբաղվող կառույցների միջազգային տեղեկագիր) – Գլոբալ տեղեկատվություն բռնությունների հետ կապված թեժ գծերի, կացարանների, ապաստարանների, ճգնաժամային կենտրոնների, կանանց կազմակերպությունների վերաբերյալ, ինչպես նաև ընտանեկան բռնության վերաբերյալ տեղեկատվություն ավելի քան 90 լեզուներով:
    • Նկատի ունեցեք, որ կազմակերպություններն ու կառույցները, որ ներառված են այս տեղեկագրում ԱՄՆ պետքարտուղարության կամ որևէ այլ դաշնային մարմնի կողմից ստուգում կամ գնահատում չեն անցել:

 Ընտանեկան բռնություն.

  • National Domestic Violence Hotline (Ընտանեկան բռնության հարցերով ազգային թեժ գիծ) – շուրջօրյա և շաբաթվա բոլոր օրերին ապահովվող խորհրդատվություն ու ուղղորդում 1-800-799-SAFE (7233) անվճար հեռախոսահամարով.
  • U.S. Department of Justice Office on Violence Against Women (ԱՄՆ արդարադատության դեպարտամենտի Կանանց դեմ բռնությունների հարցերով գրասենյակ) –Տեղեկություններ է ապահովում սեռական բռնությունների դեպքում աջակցություն ապահովող տեղական կազմակերպությունների դաշինքների վերաբերյալ:
  • National Coalition Against Domestic Violence (Ընտանեկան բռնության դեմ պայքարի ազգային դաշինք) – Ընտանեկան բռնության դեմ պայքարի ազգային դաշինքը ապահովում է կացարան ու ապահով ապրելու վայր, հանրային իրազեկում և խորհրդատվություն: Նաև իրականացնում են ընտանեկան բռնության զոհերին աջակցող նահանգային ու միջազգային կազմակերպությունների ցուցակագրում: Հեռ.՝ 303-839-1852
  • Americans Overseas Domestic Violence Crisis Center (Ընտանեկան բռնության ճգնաժամային կենտրոն արտերկրում գտնվող ամերիկացիների համար) – Կենտրոնը սպասարկում է բռնությունների ենթարկած ամերիկացիներին արտերկրում, հիմնականում՝ կանայք և երեխաներ թե՛ քաղաքացիական, թե՛ զինվորական շրջանակներում: Շուրջօրյա և շաբաթվա բոլոր օրերին գործող միջազգային թեժ գծի՝ 1-866-USWOMEN (1-866-879-6636) զանգերն արտերկրից անվճար են:
  • International Directory of Domestic Violence Agencies (Ընտանեկան բռնության դեմ պայքարի հարցերով զբաղվող կառույցների միջազգային տեղեկագիր) – Գլոբալ տեղեկատվություն բռնությունների հետ կապված թեժ գծերի, կացարանների, ապաստարանների, ճգնաժամային կենտրոնների, կանանց կազմակերպությունների վերաբերյալ, ինչպես նաև ընտանեկան բռնության վերաբերյալ տեղեկատվություն ավելի քան 90 լեզուներով:
    • Նկատի ունեցեք, որ կազմակերպություններն ու կառույցները, որ ներառված են այս տեղեկագրում ԱՄՆ պետքարտուղարության կամ որևէ այլ դաշնային մարմնի կողմից ստուգում կամ գնահատում չեն անցել:

Սպանության զոհերի ընտանիքի անդամների ու ընկերների համար

  • POMC, Inc. (National Organization of Parents of Murdered Children) (Սպանված երեխաների ծնողների ազգային կազմակերպություն) – խորհրդատվություն ու ուղղորդումներ ապահովող թեժ գիծ՝ 1-888-818-POMC երկուշաբթի-ուրբաթ օրերին Արևելյան ստանդարտ ժամանակով ժամը 9:00-17:00:

 Հարբած մեքենա վարելու հետևանքով տեղի ունեցած վթարներից տուժածների ու ընտանիքի անդամների համար

  • Mothers Against Drunk Driving (MADD)(Մայրերն ընդդեմ խմած վիճակում մեքենա վարելու) – տեղեկություններ տուժողների ու ընտանիքի անդամների համար տեղում առկա ռեսուրսների մասին

 Ընդհանուր աջակցություն տուժողներին/զոհերին

  • U.S. Department of Justice Office for Victims of Crime (ԱՄՆ արդարադատության դեպարտամենտի Հանցագործություններից տուժածների հարցերով գրասենյակ) – տեղեկություններ ԱՄՆ բոլոր համայնքներում առկա ոչ հրատապ ծառայությունների մասին:
  • National Crime Victim Center (Հանցագործություններից տուժածների ազգային կենտրոն) – տեղեկություններ հանցագործություններից տուժածների համար հանցագործության հետևանքների, ապահով պլանավորման, օրինական իրավունքների, քաղաքացիական իրավական հնարավորությունների և աջակցության տեղական ծրագրերի ու ուղղորդման մասին:
  • National Organization for Victim Assistance (NOVA)(Տուժողների/զոհերի աջակցության ազգային կազմակերպություն) – գործարկում է անվճար թեժ գիծ՝ 1-800-TRY-NOVA երկուշաբթի-ուրբաթ օրերին Արևելյան ստանդարտ ժամանակով ժամը 9:00-17:00՝ տրամադրելով տեղեկություններ ու ուղղորդելով դեպի տուժողների աջակցման ծրագրեր:

 Արտերկրում առկա ռեսուրսներ

  • Victim Assistance On-line (Առցանց աջակցություն տուժողներին) – տեղեկություններ մոտ 20 երկրներում գործող տուժողների/զոհերի աջակցության ծրագրերի մասին:
  • International Directory of Domestic Violence Agencies (Ընտանեկան բռնության դեմ պայքարի հարցերով զբաղվող կառույցների միջազգային տեղեկագիր) – Գլոբալ տեղեկատվություն բռնությունների հետ կապված թեժ գծերի, կացարանների, ապաստարանների, ճգնաժամային կենտրոնների, կանանց կազմակերպությունների վերաբերյալ, ինչպես նաև ընտանեկան բռնության վերաբերյալ տեղեկատվություն ավելի քան 90 լեզուներով:
    • Նկատի ունեցեք, որ կազմակերպություններն ու կառույցները, որ ներառված են այս տեղեկագրում ԱՄՆ պետքարտուղարության կամ որևէ այլ դաշնային մարմնի կողմից ստուգում կամ գնահատում չեն անցել: