Ս.թ. սեպտեմբերի 12-ից ոչ ներգաղթային և ներգաղթային որոշ արտոնագրերի (վիզաների)միջնորդավճարրի չափը կփոփոխվի: Խնդրում ենք նկատել, որ այցելուների (բիզնես , զբոսաշրջային, բժշկական), ուսանողական և փոխանակման ծրագրերին մասնակցելու նպատակով տրվող արտոնագրերի միջնորդավճարները փոփոխության չեն ենթարկվի: Հիշյալ արտոնագրերի տեսակների համար դիմորդները կշարունակեն վճարել 160 ԱՄՆ դոլար:

Ստորև ներկայացված են արտոնագրերի այն տեսակները, որոնց վրա այս փոփոխությունը կանդրադառնա.

Ոչ ներգաղթային մուտքի արտոնագրի համար գանձվող միջնորդավճարներ

Արտոնագրի տեսակ	միջնորդավճարի նախկին չափը	միջնորդավճարի նոր չափը
Պայմանագրային հիմունքներով ներդրողների և առևտրով զբաղվողների համար նախատեսված արտոնագրեր (E)	$270	$205
Հարսնացուների/փեսացուների արտոնագրեր  (K)	$240	$265
Սահմանահատման քարտեր (մինչև 15 տարեկանների համար)	$15	$16

Ներգաղթային արտոնագրերի համար գանձվող միջնորդավճարներ

Արտոնագրի տեսակ	միջնորդավճարի նախկին չափը	միջնորդավճարի նոր չափը
Ազգականի և ընտանիքի անմիջական անդամի դիմումներ	$230	$325
Աշխատանքային միջնորդագրերի վրա հիմնված  դիմումներ	$405	$345
Հատուկ ներգաղթային արտոնագրի դիմողներ (բացառությամբ բազմազանության արտոնագրի դիմողների)	$220	$205
Վերադարձող մշտական բնակչի կարգավիճակի սահմանում	$275	$180
Երկու տարվա բնակության պահանջի վերացման դիմում	$215	$120
Աջակցության երաշխավորագրի վերանայում (միայն այն դեպքում, երբ աջակցության երաշխավորագիրը վերանայվում է ԱՄՆ-ում)	$88	$120

ԱՄՆ քաղաքացիներին մատուցվող և վարչական գործընթացի հետ կապված ծառայություններ

Ծառայության տեսակ	միջնորդավճարի նախկին չափը	միջնորդավճարի նոր չափը
ԱՄՆ քաղաքացիությունից պաշտոնական հրաժարման վարչական գործընթաց	$450	$2,350
Օգտագործված հյուպատոսական ժամանակի վճար (աշխատանքային ժամերից հետո կամ գրասենյակից դուրս մատուցած ծառայության համար)	$231	$135

Մուտքի արտոնագրի բոլոր դիմորդները դիմումի միջնորդավճարը պետք է վճարեն ըստ վճարման օրվա գործող դրույքաչափի: Բացառություն են կազմում մուտքի ներգաղթային արտոնագրերի դիմումների ներքին վճարներըՎիզաների ազգային կենտրոնում (ՎԱԿ), որոնց դեպքում կիրառվում է հաշվի ներկայացման օրվա դրությամբ գործող միջնորդավչարը:

Այն միջնորդավճարները, որոնց դրույքաչափերը նվազելու են, փոխհատուցման ենթակա չեն: Եթե դուք վճարումը կատարել եք մինչև 2014թ-ի սեպտեմբերի 12-ը, , և այդ միջնորդավճարը նվազել է, ապա մենք չենք կարող իրականացնել փոխհատուցում:

Ոչ-ներգաղթային արտոնագրերի բարձրացված միջնորդավճարների  պարագայում մուտքի արտոնագրի արդեն իսկ կատարված վճարումները կընդունվի նորացված միջնորդավճարները ուժի մեջ մտնելուց հետո 90 օրվա ընթացքում:

Միջնորդավճարի փոփոխման մասին ամբողջական տեղեկատվություն կարող եք ստանալ` այցելելով հյուպատոսական հարցերով գրասենյակի travel.state.gov կամ ԱՄՆ դեսպանության կայքէջերը.

Հեղինակ U.S. Mission Armenia | 4 Սեպտեմբերի, 2014 | Կատեգորիաներ: Լուրեր