Ներգաղթային վիզաներ

Ներգաղթային մուտքի արտոնագրերի գործընթաց. ԱՄՆ ներգաղթային վիզայի դիմում ներկայացնելուց առաջ ԱՄՆ ներգաղթել պլանավորող օտարերկրացիները սովորաբար պետք ունենան հովանավոր (որը կարող է լինել որևէ մոտ  ազգական՝ ԱՄՆ քաղաքացի կամ ԱՄՆ մշտական օրինական բնակիչ, կամ պոտենցիալ գործատու Միացյալ Նահանգներում) և հաստատված միջնորդագիր: Ներգաղթի գործընթացը սկսում է հովանավորը, ով ԱՄՆ քաղաքացիության ու ներգաղթի ծառայությանը (USCIS) ներկայացնում է միջնորդություն օտարերկրյա քաղաքացու համար: Կարող եք ներգաղթային վիզայի տարբեր տեսակներին ծանոթանալ այցելելով http://usvisas.state.gov կայքը․ այստեղ կարող եք նաև տեղեկանալ Բազմազանության վիզայի  կամ «գրին քարտի» խաղարկային ծրագրի մասին: Ապա, ներգաղթային վիզայի դիմում ներկայացնելու համար կարող եք հետևել http://usvisas.state.gov կայքում ներկայացված ներգաղթային վիզայի գործընթացի, կամ բազմազանության վիզայի խաղարկային ծրագրի քայլերին: ԱՄՆ քաղաքացիության ու ներգաղթի ծառայության (USCIS) կողմից միջնորդության հաստատումից և Վիզաների ազգային կենտրոնի (NVC) կողմից նախնական ձևակերպումները ավարտելուց հետո, իսկ Բազմազանության խաղարկային վիզաների ծրագրով շահելու դեպքում Քենտուքիի հյուպատոսական կենտրոնի (KCC) ձևակերպումները ավարտելուց հետո, հետևեք Վիզաների ազգային կենտրոնի (NVC) կամ  Քենտուքիի հյուպատոսական կենտրոնի (KCC) կողմից ձեզ տրամադրված հրահանգներին, ինչպես նաև այս կայքում ներկայացվող հրահանգներին, որոնք կուղղորդեն ձեզ պահանջվող հետագա քայլերի հարցում:

Ներգաղթային մուտքի արտոնագրերի վերաբերյալ թարմացումներ. Հայաստանի և Իրանի քաղաքացիների ու այդ երկրներում կացության իրավունք ունեցող անձանց համար ԱՄՆ ներգաղթային վիզաների գործընթացները քննվում են Երևանում ԱՄՆ դեսպանատան կողմից: Հայաստանում ԱՄՆ դեսպանատունը մինչ օրս չի վերսկսել ներգաղթային մուտքի արտոնագրերի ծառայությունների տրամադրումը: Մենք կվերսկսենք մուտքի արտոնագրերի ծառայությունների տրամադրումը հնարավորինս արագ, սակայն ներկա պահին հստակ ժամանակահատված չենք կարող նշել։ Հարցազրույցի օր նշանակելու հնարավորության դեպքում մենք անմիջապես կկապվենք դիմումատուների հետ, եթե գործում առկա են անհրաժեշտ բոլոր փաստաթղթերը: Նախկինում հարցազրույց անցած դիմումատուների գործերը կվերանայվեն և կքննվեն, եթե ռեսուրսները թույլ տան: Հայաստանի քաղաքացիները և մշտական բնակիչները կարող են կապվել մեզ հետ ivyerevan@state.gov էլ. փոստի հասցեով, եթե նրանց ներգաղթային մուտքի արտոնագրի ժամկետը սպառվել է: Իրանի քաղաքացիները և մշտական բնակիչները կարող են կապվել մեզ հետ IranIVYerevan@state.gov էլ. փոստի հասցեով, եթե նրանց ներգաղթային մուտքի արտոնագրի ժամկետը սպառվել է:

Նախագահական հռչակագրեր 10014 և 10052. 2020թ.-ի հունիսի 22-ին նախագահ Թրամփը ստորագրել է հռչակագիր, որը կասեցնում է մուտքը Միացյալ Նահանգներ որոշ ներգաղթյալների և ոչ-ներգաղթյալների, ովքեր վտանգ են ներկայացնում ԱՄՆ աշխատաշուկայի համար կորոնավիրուսի բռնկումից հետո: Հռչակագիրը երկարաձգում է որոշ ներգաղթյալների մուտքը կասեցնող 10014 Նախագահական հռչակագիրը և կասեցնում է որոշ ոչ-ներգաղթյալների մուտքը մինչև 2020թ.-ի դեկտեմբերի 31-ը, եթե Նախագահը այն չերկարաձգի: Հռչակագրի սահմանափակումները չեն վերաբերում ԱՄՆ քաղաքացիներին, մշտական օրինական բնակիչներին և ԱՄՆ քաղաքացիների ընտանիքի որոշ անդամներին և այլոց: Այս բացառությունները, ի թիվս այլոց, ներառում են՝ ԱՄՆ քաղաքացիների ամուսիններին, երեխաներին և որդեգրված երեխաներին, մշտական օրինական բնակիչներին, ներգաղթյալներին, ովքեր ցանկանում են մուտք գործել որպես առողջապահության ոլորտի մասնագետներ, և Հատուկ ներգաղթային մուտքի արտոնագրի որոշ դիմորդներին: Հռչակագրերի սահմանափակումները չեն վերաբերում նրանց, ովքեր ունեցել են վավեր ԱՄՆ ներգաղթային մուտքի արտոնագիր՝ տրված 2020թ.-ի ապրիլի 23-ի EDT 12:01-ից առաջ: Հռչակագրերը հետադարձ ուժ չունեն և ոչ մի վավեր մուտքի արտոնագիր չի չեղարկվի դրանց հետևանքով: Նախագահական հռչակագրերի ամբողջական տեքստը հասանելի է Սպիտակ Տան կայքում՝ https://www.whitehouse.gov/presidential-actions/proclamation-suspending-entry-aliens-present-risk-u-s-labor-market-following-coronavirus-outbreak/:

Բացառությունների ամբողջական ցանկի համար այցելեք՝ https://www.whitehouse.gov/presidential-actions/proclamation-suspending-entry-aliens-present-risk-u-s-labor-market-following-coronavirus-outbreak/:

Նախագահական հռչակագրեր 10014 և 10052-ի՝ Ազգային հետաքրքրություն ներկայացնող բացառությունների վերաբերյալ լրացուցիչ տեղեկություն ստանալու համար կարող եք այցելել՝ https://travel.state.gov/content/travel/en/News/visas-news/exceptions-to-p-p-10014-10052-suspending-entry-of-immigrants-non-immigrants-presenting-risk-to-us-labor-market-during-economic-recovery.html:

Ներգաղթային մուտքի արտոնագրերի դիմորդների զգալի մասը, ներառյալ Diversity Visa 2020 (DV-2020) դիմորդները, որոնց 2020թ.-ի ապրիլի 23-ի դրությամբ չի տրվել ներգաղթային մուտքի արտոնագիր, ենթակա են հռչակագրի սահմանափակումներին, քանի դեռ չեն ներկայացրել բացառություններից որևէ մեկի համար որակավորված լինելու փաստարկ: Այս հռչակագրով ոչ մի վավեր մուտքի արտոնագիր չի չեղարկվի:

Նախագահական հռչակագրեր նոր կորոնավիրուսի վերաբերյալ. Օտարերկրյա քաղաքացիների մուտքը Միացյալ Նահանգներ կասեցված է, եթե նրանք ֆիզիկապես ներկա են գտնվել ստորև նշված երկրներում ԱՄՆ մուտքին կամ ԱՄՆ մուտք գործելու փորձ անելուն նախորդող 14 օրվա ընթացքում՝ համաձայն 9984, 9992, 9993, 9996 և 10041 Նախագահական հռչակագրերի.

  • Չինաստանի Ժողովրդական Հանրապետություն՝ բացառությամբ Հոնկոնգի և Մակաոյի Հատուկ վարչական շրջանների,
  • Իրանի Իսլամական Հանրապետություն,
  • Շենգենյան գոտու 26 երկրներ (Ավստրիա, Բելգիա, Չեխիա, Դանիա, Էստոնիա, Ֆինլանդիա, Ֆրանսիա, Գերմանիա, Հունաստան, Հունգարիա, Իսլանդիա, Իտալիա, Լատվիա, Լիխտենշտեյն, Լիտվա, Լյուքսեմբուրգ, Մալթա, Նիդերլանդներ, Նորվեգիա, Լեհաստան, Պորտուգալիա, Սլովակիա, Սլովենիա, Իսպանիա, Շվեդիա և Շվեյցարիա),
  • Մեծ Բրիտանիայի և Հյուսիսային Իռլանդիայի Միացյալ Թագավորություն՝ բացառությամբ Եվրոպայից դուրս գտնվող տարածքների,
  • Իռլանդիայի Հանրապետություն,
  • Բրազիլիա:

Մուտքը կասեցնելու վերաբերյալ կան որոշակի բացառություններ, ներառյալ ԱՄՆ մշտական օրինական բնակիչներին և ԱՄՆ քաղաքացիների և մշտական օրինական բնակիչների ընտանիքների որոշ անդամներին վերաբերող բացառություններ:

Շենգենյան գոտու երկրների, Միացյալ Թագավորության և Իռլանդիայի որոշ ուղևորների՝ Ազգային հետաքրքրություն ներկայացնող բացառությունների վերաբերյալ լրացուցիչ տեղեկություն ստանալու համար կարող եք այցելել՝ https://travel.state.gov/content/travel/en/News/visas-news/national-interest-exceptions-from-certain-travelers-from-the-schengen-area-uk-and-ireland.html:

Եթե Դուք բնակվում եք, վերջերս ճամփորդել եք կամ մտադիր եք տարանցել կամ մեկնել Տարածաշրջանային COVID-19 Նախագահական հռչակագրում ընդգրկված երկիր, ապա Պետդեպարտամենտը խրախուսում է հետաձգել Ձեր մուտքի արտոնագրի հարցազրույցը այդ երկիրը (երկրները) լքելու պահից 14 օր հետո: Բացի այդ, եթե Ձեզ մոտ առկա են գրիպանման ախտանիշներ կամ կարծում եք, որ շփվել եք նոր կորոնավիրուսի կրողի հետապա խրախուսվում է հետաձգել մուտքի արտոնագի հարցազրույցը առնվազն 14 օրով:

Եթե նախքան Ձեր մուտքի արտոնագրի հարցազրույցի օրը Դուք չեք գտնվել hռչակագրում ընդգրկված երկրից դուրս առնվազն 14 օր, ապա Ձեր մուտքի արտոնագրի դիմումը կմերժվի և մուտքի արտոնագրի տրամադրումը կարող է հետաձգվել այնքան ժամանակ, մինչև կարողանաք հյուպատոսական աշխատակցին ապացուցել, որ Դուք եղել եք և չեք լինելու հռչակագրում ընդգրկված երկրում նախքան մուտքի արտոնագրի տրամադրումը և դրանից հետո՝ մինչ Միացյալ Նահանգներ մեկնելը:

ՀՀ-ում ԱՄՆ դեսպանատունը մինչ օրս չի վերսկսել ներգաղթային մուտքի արտոնագրերի ծառայությունների տրամադրումը: Մենք կվերսկսենք մուտքի արտոնագրերի ծառայությունների տրամադրումը հնարավորինս արագ, սակայն ներկա պահին հստակ ժամանակահատված չենք կարող նշել։

Ներգաղթային վիզաներ